Joavku

bandUlla Pirttijärvi & ULDA lea joavku, mii ovttastahttá luođi ja musihka modeardna luohtemusihkkan. Njunnošis das lea Ulla Pirttijärvi, gii lea jo guhká juoigan. ULDA lea vuođđuduvvon 2009 ja dan čuojahanprográmmii gullet árbevirolaš ja ođđa luođit, maid Ulla Pirttijärvi lea ráhkadan. Musihkka buktá ovdan erenomážit temáid, mat laktásit davvi lundui. Instrumeanttat láhčet saji luođi viiddes jietnamáilbmái ja duvdet dan.

Joavku lea čuojahan Suomas, Kreikkas, Duiskkas ja Ruoššas.

Jagis 2012 almmustuvai debyhtta CD ”Ulda”. Dat sisttisdoallá árbevirolaš ja ođđa luđiid, maidda Ulla Pirttijärvi lea ieš ráhkadan šuoŋaid. Skearru guovddážis lea Pirttijärvi rikkes jietnageavaheapmi, man akusttalaš instrumeanttat duvdet fiidnát. Buot vuolgá johtui luođi iežas melodihkás ja ritmmas. Skearru govvida Ulla Pirttijärvi eallinvásáhusaid ja oktavuođa erenomáš báikkiide, davvi lundui, elliide ja fulkkiide.

Ulla Pirttijärvi & ULDA joavkkus čuojahit:

Ulla Pirttijärvi, juoigan, rumbu

Marko Jouste, sreaŋgačuojanasat, rumbu

Marko Vanhasalo, njurgganasat, rumbu

Ulla Pirttijärvi discografiija:

2012 Ulla Pirttijärvi ja ULDA: Ulda

2008 Áibbašeapmi (Kaipaus)

2002 Máttaráhku Askái (Esiäidin syliin)

1997 Ruošša Eanan (Venäjän maa)

1996 Hoŋkoŋ Dohkká (Hong kongin nukke)

1992 Angelin tytöt: Dolla (Tuli) Ulla Pirttijärvi lea mielde maid ee. Frode Fjellheim skearrus Aejlies gaaltje – The Sacred Source,

Rinneradio skearrus Airo ja Wimme Saari skearrus Mun.

Lappi leanadáiddárin 2004–2007.

Áillohaš-musihkabálkkašupmi 2007.